Loading...

الاثنين، 12 يوليو، 2010

برنامج متكامل للتضخيم والمحافظه في شهر رمضان المبارك


بمناسبة قرب شهر الرحمه والمغفره شهر رمضان بلغنا الله اياه ورحم وغفر لكل من لم يبلغه..

حبيت انزل هالموضوع وقبل رمضان بفتره عشان نقدر نشتري ونرتب انفسنا قبل ندخل عليه..

اغلب الاسئلة بتكون في كيفية المحافظه على الضخامه او زيادتها عشان كذا حنمسك هالنقطه ونتكلم فيها وما حطول عليكم في المعلومات وكذا بالعربي بعطيكم ((الزبده))..

في البداية حنحتاج هالمكملات زياده على المكملات اللي عندك..

1- الجلوتامين
((الشركات كثيرة))
بناخذه عشر غرام في اليوم قبل التمرين 5 و الـ5 الثانيه موجوده في المكمل اللي بحطه لك
اذا كنت تملك بروتين فيه كميه كافيه من الجلوتامين فماله داعي تشتريه..
اذا كنت تستعمل كرياتين فماله داعي تستخدمه

2- كازين بروتين


الكازين بروتين احلى مافيه انه..

بروتين بطيئ الهضم جدا وهضمه يوصل لـ 7 ساعات وممكن اكثر..
فيه جلوتامين تقريبا 5 غرام
حتى الاحماض الأمينيه اللي فيه بطيئة الهضم.

حلو..
طيب صيامنا تقريبا من 12- 14 ساعه..

واذا اخذنا الكازين بروتين قبل اذان الفجر بربع ساعه احنا كذا خلينا العضله تصوم بس من 5-7 ساعات.

يصير استخدامه كالتالي..

نلغي استخدام البروتين اللي موجود عندنا قبل النوم ونستخدم ذا
سكوب مع حليب قبل الآذان..

سكوبين مع حليب للي وزنهم 200 باوند او اكثر قبل الآذان..



نصيحتي..
افطر على ثلاث تمرات..
ووراها على طول جرعه من البروتين اللي عندك وياسلام لو كان يحتوي على واي بروتين..

صلي وبعدين ابدأ كل..

لا تاكل كثيييير الين تملي بطنك يكفي القليل والاكثر فائده..
لا تكثر من الدهون ((السمبوسك وغيرها)) ...الأغلب بيزعل

عموما الدهون المضره مضره حتى لو قليل..
((اللي تابع برنامج التفاح الأخضر اكيد عارف هالمعلومه)).

بالنسبه للوجبات اليوميه نحاول قد ما نقدر نقسمهم لأربع وجبات.


طيب نجي للتمارين..
طبعا احنا عارفين انو احنا مقصرين في تغذية العضله بسبب الصيام..
يعني المفروض مانجهد جسمنا بزياده..

طيب كيف؟؟

1- يكفي عضله وحده في اليوم..
2- خمس ايام في الأسبوع كافيه..
3- التكرارات 3 كافيه 12/10/8 للمتقدمين 10/8/6 للمبتدئين.
طبعا الأوزان ثقيله وتزيد بالتدريج..

مثال للجدول..

السبت -صدر
الأحد -ظهر
الإثنين -راحه
الثلاثاء -اكتاف
الإربعاء - تراي وباي
الخميس - أرجل
الجمعه - راحه

هناك 6 تعليقات:

  1. أزال المؤلف هذا التعليق.

    ردحذف
  2. الله يعطيك العافية طيب عضلة الطرابيس والسواعد مع اي عضلة العبهم؟؟؟؟

    ردحذف
    الردود
    1. الترابيس اسبوع مع الكتف واسبوع مع الضهر والريست والساعد مع الباي والتراي والبطن مرتين مع اي عضلة

      حذف
  3. أزال المؤلف هذا التعليق.

    ردحذف